काठमाडौँ । जर्मन क्लब बायर्न म्युनिख यूईएफए च्याम्पियन्स लिग फुटबलको क्वार्टरफाइनलमा पुगेको छ । गएराति सम्पन्न राउण्ड अफ १६ को दोस्रो लेगमा जर्मन क्लब बायर लिभरकुसनलाई २–० गोल अन्तरले पराजित गर्दै बायर्न समग्रमा ५–० को नतिजासहित क्वार्टरफाइनलमा पुगेको हो ।
बायर्न म्युनिखले बायर लिभरकुसनलाई पहिलो लेगमा ३–० ले पराजित गरेको थियो । दोस्रो लेगको खेलमा बायर्न म्युनिखको जितमा ह्यारी केन र अल्फोन्सो डेभिजले एक एक गोल गरेका थिए ।
यो हारसहित बायर लिभरकुसनको यस सिजनमा च्याम्पियन्स लिगको यात्रा समाप्त भएको छ ।
अब क्वाटरफाइनलमा बायर्न म्युनिखले इटालियन क्लब इन्टर मिलानको सामना गर्नेछ । इन्टरले राउन्ड अफ सिक्सटिनलाई फेयोनर्डलाई हराएको थियो ।
क्वार्टरफाइनलको पहिलो लेग अप्रिल ८ र दोस्रो लेग अप्रिल १५ मा हुने छ ।
