काठमाडौँ । इङ्गलिश प्रिमियर क्लब आर्सनल यूईएफए च्याम्पियन्स लिग फुटबलको क्वार्टरफाइनलमा पुगेको छ । गएराति सम्पन्न दोस्रो लेगको खेलमा डच क्लब पीएसभीसँग २–२ गोलको बराबरी खेलेको आर्सनलले समग्रमा ९–३ को नतिजासहित प्रतियोगिताको क्वार्टरफाइनलमा पुगेको हो । राउण्ड अफ १६ को पहिलो लेगमा आर्सनल ७–१ ले विजयी भएको थियो ।
यो जितपछि अब आर्सनलले क्वाटरफाइनलमा रियाल मड्रिडको सामना गर्ने भएको छ ।
स्पेनिश क्लब रियाल मड्रिड घरेलु प्रतिद्धन्द्धी एथलेटिको मड्रिडलाई पेनाल्टी सुटआउटमा ४–२ गोलले पराजित गर्दै रियाल अन्तिम आठमा पुगेको हो ।
राउण्ड अफ १६ को दोस्रो लेगमा एथलेटिको मड्रिडले १–० को जित हासिल गरेपछि समग्रमा २–२ को नतिजा आएपछि खेलको निर्णय पेनाल्टी सुटआउटबाट गरिएको थियो । यसअघि पहिलो लेग रियाल मड्रिडले २–१ गोल अन्तरले जितेको थियो ।
पेनाल्टी सुटआउटमा एटलेटिको म्याड्रिडका जुलियन अल्भारेज, एन्जल कोरिया र मार्कोस लियोरेन्टले पेनाल्टी मिस गरेका थिए ।
क्वार्टरफाइनलका खेलहरु पहिलो लेग अप्रिल ९ र दोस्रो लेग अप्रिल १५ मा हुने छन् ।
