-
-
-
-
काठमाडौं । च्याम्पियन्स लिग फुटबलको राउण्ड अफ १६ अन्तर्गत पहिलो लेगमा फ्रेन्च क्लब पेरिस सेन्ट जर्मेन (पीएसजी) पराजित भएको छ । पीएसजी जर्मन क्लब बायर्न म्युनिखसँग १–० ले पराजित भएको हो ।
घरेलु मैदानमा खेलेको पीएसजीले स्टार खेलाडीहरु विफल हुँदा पराजय भोगेको हो । लियोनल मेस्सी नचल्नु, केलियन एम्बाप्पले गरेको गोल भीएआरमा अफसाइड देखिनु र नेयरमाले पहेँलो कार्ड खाँदा घरेलु मैदानमै पीएसजी पराजित भएको हो ।
बायर्नलाई जित दिलाउन किङ्स्ले कोम्यानले निर्णायक गोल गरे । उनले खेलको ५३ औं मिनेटमा गोल गरेका थिए ।
खेलको ८२ औं मिनेटमा एमबाप्पेले पीएसजीका लागि गोल गरेका थिए । तर भीएआर रिभ्युपछि उनको गोलले मान्यता पाएन ।
त्यस्तै खेलको अन्तिम केहि मिनेट बायर्न १० खेलाडीमा समेटियो । इन्जुरी समयमा बायर्नका बेन्जामिन पाभर्डले दोहोरो पहेलो कार्डसहित रातो कार्ड पाएका थिए ।
अब पीएसजी र बायर्नबीचको दोस्रो लेग मार्च ८ मा बायर्नको मैदानमा हुनेछ ।
