काठमाडौँ । युक्रेनको उत्तरपूर्वी क्षेत्रमा रहेको एउटा कृषि फार्ममा भएको रूसी ड्रोन आक्रमणले आगलागी निम्त्याउँदा करिब १३ हजार सुँगुरको मृत्यु भएको आपतकालीन सेवाले जनाएको छ।
साढे तीन वर्षदेखिको युद्धमा मानिसका साथै जनावरहरूले पनि ठूलो पीडा भोगेका छन्। यसअघिका रूसी आक्रमणहरूले अस्तबल र चिडियाखाना मा समेत क्षति पुर्याएका थिए।
युक्रेनको राज्य आपतकालीन सेवाले खार्किव क्षेत्रको नोभोभोडोलाज्का समुदाय मा रहेको कृषि उद्यममा रूसी युएभी को आक्रमणको परिणामस्वरूप सुँगुरहरूको मृत्यु भएको र फार्मका एक जना कामदार घाइते भएको बताएको छ।
सेवाले सार्वजनिक गरेको तस्बिरहरूमा सुँगुरका शवहरू देखिएका छन्, जुन आंशिक रूपमा जलेको र केही टुटेको अवस्थामा रहेको जनाइएको छ।
करिब तेह्र हजार वर्ग मिटर मा फैलिएको आठवटा स्टलमा सुँगुरहरू राखिएकोमा ती सबै स्टल आगोमा जलेको आपतकालीन सेवाले जनाएको छ।
गत सेप्टेम्बरमा रूसले एउटा घोडसवार क्लबमा प्रहार गर्दा सातवटा घोडाहरू मारिएको पनि जनाइएको छ।
