युक्रेनको राजधानी किभमा ब्यालेस्टिक क्षेप्यास्त्र आक्रमण
मध्य भागमा आगलागी, तीन जना घाइते
हाम्रा कुरा
प्रकाशित २०८३ जेठ १० आइतबार
1.3k
Shares
काठमाडौँ । युक्रेनको राजधानी किभमा आइतवार बिहानै शक्तिशाली ब्यालेस्टिक क्षेप्यास्त्रबाट आक्रमण भएको छ। किभ सहर सैन्य प्रशासनका प्रमुख टिमुर टकाचेन्कोले यस मिसाइल आक्रमणको पुष्टि गरेका छन्।
टकाचेन्कोका अनुसार राजधानीको मध्य भागमा अवस्थित पोडिल्स्की जिल्लालाई लक्षित गरी गरिएको यस आक्रमणका कारण त्यहाँ भीषण आगलागी भएको छ। सामाजिक सञ्जाल टेलिग्राममार्फत घटनाको विस्तृत जानकारी दिँदै उनले यस प्रहारमा परी कम्तीमा तीन जना नागरिक घाइते भएको बताए।
राजधानी किभमा आक्रमणको सिलसिला अझै पनि जारी रहेको र थप क्षेप्यास्त्रहरू प्रहार हुन सक्ने उच्च जोखिम रहेकाले सैन्य प्रशासनले सम्पूर्ण सर्वसाधारणलाई उच्च सतर्कता अपनाउन र सुरक्षित स्थानमा रहन आग्रह गरेको छ।
हाल युक्रेनी सुरक्षा र सैन्य अधिकारीहरूले स्थितिको निरन्तर अनुगमन गरिरहेका छन्।
