रुस-युक्रेनबीच कैदी आदानप्रदान, एक हजार कैदी घर फर्किए
हाम्रा कुरा
प्रकाशित २०८२ साउन ९ शुक्रबार
1.3k
Shares
काठमाडौँ । रुस र युक्रेनबीच टर्कीको इस्तानबुल शहरमा भएको तेस्रो चरणको प्रत्यक्ष वार्तासँगै दुवै पक्षले एक हजार द्वन्द्वपीडित कैदीहरू आदानप्रदान गरेका छन्। रुसी रक्षा मन्त्रालयले जुन २ मा इस्तानबुलमा भएको अन्तिम वार्तामा दुवै पक्षबीच भएको सम्झौताअनुसार यो आदानप्रदान गरिएको जनाएको छ।
आदानप्रदान गरिएका रुसी सैनिकहरूलाई हाल बेलारुसमा राखिएको र उनीहरूलाई उपचार तथा पुनर्स्थापनाका लागि रुस लगिने बताइएको छ। रुस र युक्रेनले यसअघि मे १६ र जुन २ मा इस्तानबुलमा दुई चरणको प्रत्यक्ष वार्ता गरिसकेका थिए।
युक्रेनको युद्ध कैदीहरूको उपचार समन्वय मुख्यालयका अनुसार, इस्तानबुल सम्झौताहरूपछि १ हजारभन्दा बढी युक्रेनी सैनिकहरू पनि घर फर्किएका छन्।
