-
-
-
-
काठमाडौँ । अर्जेन्टाइन फुटबल स्टार लियोनल मेस्सीले शानदार प्रदर्शन गरेसँगै अमेरिकी क्लब इन्टर मियामी एफसीले सहज जित हासिल गरेको छ ।
एमएलएस प्लेअफमा इन्टरले एफसी सिन्सिनाटीमाथि ४–० को जित हासिल गरेको हो ।
सोमबार बिहान भएको खेलमा इन्टरलाई जिताउन टाडेओ एलेन्डेले दुई गोल गरे भने मेस्सी र माटेओ सिल्भेट्टीले एक एक गोल गरे ।
मेस्सीले आफूले गोल गर्दा माटेओ सिल्भेट्टीले पास दिएका थिए भने बाँकी तीन गोल हुँदा सबै पास मेस्सीले नै दिएका थिए ।
एमएलएसको सोमबार बिहानै भएको अर्को प्लेअफमा न्यूयोर्क सिटीले फिलाडेल्फिया युनियनलाई १–० ले हरायो ।
