काठमाडौं । फ्रान्सका राष्ट्रपति इम्यानुएल म्याक्रोनले रुस र युक्रेनबीचको युद्ध अन्त्य गर्नका लागि चिनियाँ सहयोग लिन आउँदो अप्रिलमा चीनको भ्रमण गर्ने बताएका छन् ।
चीनले एक वर्ष लामो द्वन्द्व अन्त्य गर्न युद्धविराम र राजनीतिक समाधानका लागि आह्वान गर्दै १२ बुँदे पोजिसन पेपर प्रकाशित गरेपछि शनिबार यो म्याक्रोनले यस्तो घोषणा गरेका हुन् ।
पेरिसमा कृषि कार्यक्रमको छेउमा बोल्दै म्याक्रोन आफूले 'अप्रिलको शुरुमा' चीनको भ्रमण गर्ने बताएका हुन् । 'चीन शान्ति प्रयासमा संलग्न भएको तथ्य राम्रो कुरा हो,' फ्रान्सेली नेताले भनेका छन्, 'रुसी आक्रमण रोकियो, सेना फिर्ता गरियो र युक्रेन र यसका जनताको क्षेत्रीय सार्वभौमसत्ताको सम्मान गरियो भने मात्र शान्ति सम्भव छ ।'
'चीनले हामीलाई रूसलाई दबाब दिन मद्दत गर्नुपर्छ ताकि उसले रासायनिक वा आणविक हतियारहरू कहिल्यै प्रयोग नगरोस्... र यसले वार्ताको लागि पूर्व शर्तको रूपमा आफ्नो आक्रामकतालाई रोक्छ,' उनले अघि भनेका छन्।
बेइजिङले द्वन्द्वमा आफूलाई तटस्थ पक्षको रूपमा राख्न खोजेको छ . यद्यपि यसले रूससँग घनिष्ठ सम्बन्ध कायम गरेको छ र भारतमा भएको जी-२० सम्मेलनमा युद्धको निन्दा गर्ने संयुक्त वक्तव्यलाई अस्वीकार गर्दै रोक्न सहयोग गरेको छ।
