-
-
-
-
काठमाडौं । नेकपा माओवादी केन्द्रका नेता वर्षमान पुनले राष्ट्रपतिको मध्यरातको निर्णयलाई ‘मध्यरातको डकैती’ भनेका छन् ।
राष्ट्रपतिले प्रधानमन्त्रीमा दाबी परेका केपी शर्मा ओली र शेरबहादुर देउवाको मागदाबी खारेजपछि सामाजिक संजालमार्फत उनले यस्तो प्रतिक्रिया दिएका हुन् । उनले लेखेका छन्,‘मध्यरातमा डकैती गरियो । ज्ञानेन्द्र शाहले पनि शुक्रबार र मध्यरात नै रोज्ने गर्थे ।’
राष्ट्रपति कार्यालयले शुक्रबार मध्यरात विज्ञप्ति जारी गर्दै प्रधानमन्त्रीका लागि दाबी गरेका दुवैजनाले संविधानको धारा ७६ को उपधारा ५ बमोजिम प्रतिनिधि सभामा विश्वासको मत प्राप्त गर्न सक्ने आधार नदेखिएको भनिएको छ ।
