राष्ट्रिय सभाबाट निर्वाचनसम्बन्धी दुई विधेयक पारित
हाम्रा कुरा
प्रकाशित २०८३ जेठ १७ आइतबार
760
Shares
काठमाडौँ । राष्ट्रिय सभाबाट निर्वाचनसम्बन्धी दुईवटा विधेयकहरू पारित भएका छन्।
सभाको आजको बैठकबाट प्रतिनिधिसभाबाट सन्देशसहित प्राप्त प्रतिनिधिसभा सदस्य निर्वाचन (पहिलो संशोधन) विधेयक, २०८३ र मतदाता नामावली (पहिलो संशोधन) विधेयक, २०८३ बहुमतले पारित गरिएको हो।
यसअघि बैठकमा प्रधानमन्त्री एवं गृहमन्त्री वालेन्द्र साहका तर्फबाट कानुन, न्याय तथा संसदीय मामिलामन्त्री सोविता गौतमले ती विधेयकहरू पारित गरियोस् भन्ने बेग्लाबेग्लै प्रस्ताव पेस गरेकी थिइन्।
राष्ट्रिय सभाको अर्को बैठक सोमबार दिउँसो १:१५ बजे बस्नेछ।
