-
-
-
-
काठमाडौं। संघीय संसदअन्तर्गत राष्ट्रिय सभाका दुईवटा संसदीय समितिको बैठक आज बस्दैछ।
राष्ट्रिय सभा अन्तर्गतको विकास, आर्थिक मामिला तथा सुशासन समितिको बैठक दिउँसो १ बजे सिंहदरबारस्थित समितिको सभाहलमा बस्नेछ। बैठकमा समितिको वार्षिक प्रतिवेदनमाथि छलफल गर्ने कार्यसूची रहेको छ।
त्यसैगरी, राष्ट्रिय सभाकै सार्वजनिक नीति तथा प्रत्यायोजित विधायन समितिको बैठक पनि आज बिहान ११:३० बजे सिंहदरबारमै बस्दैछ। यस बैठकमा समितिको आगामी योजना तथा कार्यक्रमबारे छलफल हुनेछ।
