ब्रजिलमा हट एयर बेलुन दुर्घटना: कम्तीमा आठ जनाको मृत्यु
हाम्रा कुरा
प्रकाशित २०८२ असार ८ आइतबार
1.4k
Shares
काठमाडौँ। दक्षिणी ब्रजिलको सान्टा क्याटारिना राज्यमा शनिबार २१ जना यात्रु बोकेको हट एयर बेलुनमा आगलागी हुँदा कम्तीमा आठ जनाको मृत्यु भएको छ। राज्यका गभर्नर जोर्गिन्हो मेलोले दुर्घटनामा १३ जना घाइते भएको र उनीहरूलाई उद्धार गरिएको जानकारी दिएका छन्।
ब्रजिलको टेलिभिजनमा प्रसारण गरिएका भिडियो फुटेजहरूमा तटीय सहर प्रैया ग्रान्डेमाथि बेलुनमा आगो लागेपछि त्यो जमिनमा खसिरहेको क्षण स्पष्ट देखाइएको छ। दुर्घटनाका बेला बेलुन आकाशमा रहेको समय मौसम राम्रो थियो।
करिब दुई दर्जन यात्रु बोकेको उक्त बेलुन दर्जनौँ मिटर माथि आकाशबाट जमिनमा बसेको थियो। दुर्घटनाको कारणबारे अनुसन्धान सुरु गरिएको स्थानीय अधिकारीहरूले बताएका छन्।
एटलान्टिक तटमा रहेको प्रैया ग्रान्डे हट एयर बेलुनको सहायतामा आकाशमा साहसिक यात्रा गर्नका लागि ब्राजिलको एक लोकप्रिय गन्तव्य हो।
यो केही दिनमै देशमा भएको दोस्रो घातक बेलुन दुर्घटना हो। एक साताअघि दक्षिणपूर्वी साओ पाउलो राज्यमा पनि बेलुन सवारीका क्रममा एक महिलाको मृत्यु भएको थियो।
