कुलमानलाई हटाउनु हुँदैन -राज्यमन्त्री तामाङ [भिडियो]
हाम्रा कुरा
प्रकाशित २०८१ फागुन १३ मंगलबार
512
Shares
काठमाडौँ । ऊर्जा, जलश्रोत तथा सिँचाइ राज्यमन्त्री पूर्णबहादुर तामाङले नेपाल विद्युत् प्राधिकरणका कार्यकारी निर्देशक कुलमान घिसिङलाई हटाउन नहुने बताएका छन्।
सोमबार संसद भवन परिसरमा सञ्चारकर्मीहरूसँग कुरा गर्दै उनले यस्तो बताएका हुन् ।
उनले घिसिङले विद्युत् प्राधिकरण जस्तो घाटाको कम्पनीलाई नाफामा लगेको उल्लेख गर्दै हटाउन नहुने आफ्नो प्रस्ताव रहेको बताए।
कार्यकारी निर्देशक घिसिङ आगामी साउन २७ गते प्राधिकरणबाट बिदा हुने बताए ।
देशको आम्दानी बढाउने व्यक्तिलाई हटाउन नहुने उनको भनाइ छ । कर्मचारीलाई चित्त नबुझेका कुराहरूमा स्पष्टीकरण सोध्न मिल्ने बताए ।
उनले घिसिङ देशका लागि काम गर्ने व्यक्ति भएको भन्दै नागरिकले चाहेको खण्डमा फेरि ४ वर्ष काम गर्न दिनुपर्ने बताए ।
