-
-
-
-
काठमाडौँ । हरियो ज्याकेट लगाएर मान्छेहरु खोलामै पसेर काम गरिरहेको दृष्य अहिले राजधानीको सेतोपुलदेखि एक टोली र अनामनगरदेखि माथि एक टोली देख्न सकिन्छ ।
गत चैत १८ गतेदेखि धोवीखोला अथवा रुद्रमती र बागमती नदी दोभानबाट रुद्रमतीको शिरतर्फ सफाइ शुरू भएको थियो । श्रम बैङ्कबाट लिइएका ५५ जना जनशक्तिलाई ४ समूह बनाएर नदीभित्रको सफाइ थालिएको हो ।
सफाइ हरेक दिन बिहान ७ बजेदेखि दिउँसो २ बजेसम्म हुनेछ । पहिलो चरण अन्तगर्त खोलाको फोहर उठाएर छेउँमा जम्मा गर्दै आएको छ । फोहोर पूर्ण रुपमा जम्मा गरिसकेपछि डोजर लगाएर फोहर झिकिने छ ।
काठमाडौँमा मुख्यतया नौ वटा खोला छन् । सफाइका क्रममा सबैभन्दा धेरै पाइने फोहोर प्लाष्टिक रहेको छ । यसपछि कपडा छन् । घाट क्षेत्रमा काठ, दाउरा, कोइला, कपडादेखि अन्य विभिन्न प्रकारका फोहर भेटिने गरेको छ ।
यीमध्ये बागमतीको पहिलेदेखि सफाइ भइरहेकोले महानगरपालिकाले यो नदी सफाइ गर्ने योजना बनाएको छैन । यस बाहेकका आठ वटा खोलाको सफाइलाई नियमित सञ्चालन गरिनेछ ।
