- सुन चाँदी दर
- विनिमय दर
- नेपाली पात्रो
- राशिफल
काठमाडौं । चाल दलको बैठक निष्कर्षमा पुग्न नपाउँदै केही घण्टाको ब्रेक लिएको समयको अवसर पारेर नेकपा एमालेका अध्यक्ष केपी शर्मा ओली प्रधानमन्त्रीको सरकारी निवास बालुवाटार पुगेका छन् ।
प्रधानमन्त्री पुष्पकमल दाहाल ‘प्रचण्ड’सँग राष्ट्रपतिबारे छलफलका लागि ओली बालुवाटार पुगेका हुन् । यसअघि बिहानदेखि दिउँसोसम्मै माओवादी केन्द्र, नेपाली कांग्रेस, नेकपा एकीकृत समाजवादी र जनता समाजवादी पार्टी ९जसपा० बीच बालुवाटारमा छलफल भएको थियो ।
तर त्यो छलफल निष्कर्षमा पुग्न नसकेपछि साँझ ५ बजेसम्मका लािग स्थगित भएको छ । सो समयको मौका छोपी केपी ओली बालुवाटार छिरेका हुन् ।
भोलि राष्ट्रपतिको निर्वाचनका लागि उम्मेदवारी मनोनयन हुँदैछ । सत्तारुढ दलबाट कसले उम्मेदवारी दिने टुंगो छैन । एमाले पुस १० को सहमति सम्झिदै एमालेकै नेता उम्ेमदवार हुन पाउनु पर्ने अडानमा छ ।
माओवादी केन्द्र्रले राष्ट्रिय सहमति भनिरहेको छ भने कांग्रेसले पुस २७ मा प्रचण्डलाई विश्वासको मत दिएकाले आफूले राष्ट्रपति पाउनु पर्ने भनिरहेको छ ।
नेकपा एसका अध्यक्ष माधवकुमार नेपाल भने आफ्नो पार्टीलाई पनि भाग चाहिने भन्दै आफू नै राष्ट्रपति बन्न पाउनु पर्ने अडानमा छन् ।
बैठकमा पाँच दलीय गठबन्धन ब्युँताउने सहमति भएको नेताहरु बताउँछन् ।