राप्रपा छाडेर कांग्रेसमा आएका सुनिल थापाले पाए ५५ जना महासमिति सदस्य
हाम्रा कुरा
प्रकाशित २०७८ असार ८ मंगलबार
1.1k
Shares
काठमाडौं । राष्ट्रिय प्रजातन्त्र पार्टी छाडेर कांग्रेस प्रवेश गरेका सुनिल थापाले ५५ जना महासमिति सदस्य पाएका छन् ।
महाधिवेशनको मिति तय भएसँगै नेताहरुले भेटघाटलाई तिव्र बनाउँदै लगेको बेला कांग्रेसको समायोजन समितिले थापा समूहलाई ५५ जना महासमिति सदस्य दिएको हो ।
कांग्रेसले केन्द्रीय समितिको निणर्यअनुसार थापा समूहलाई ५५ जना महासमिति सदस्य दिएको कांग्रेस मुख्यसचिव कृष्णप्रसाद पौडेलले जानकारी दिए ।
महासमिति सदस्यको जिम्मेवारी पाउनेहरुमा सहमहामन्त्री थापासहित १० जना केन्द्रीय समिति सदस्य छन् । केन्द्रीय सदस्य स्वतः महाधिवेशन प्रतिनिधि हुने व्यवस्था छ ।
महासमिति सदस्यमा समायोजना हुनेमा रामकृष्ण भट्टराई, विष्णुबिक्रम थापा, बाबुराम बस्नेत, किरण गिरीसहितका विभिन्न तहका नेता छन् ।
थापा समूहले भने १ सय ५० जना महासमिति सदस्य मागेको थियो । तर केही जिल्लामा समायोजन बाँकी रहेकाले समायोजन सकिएपछि थप जिम्मेवारी दिने सहमती भएको छ ।
