काठमाडौं। सरकारी कागजात कीर्ते गरी जग्गा घोटालामा परेका एक आरोपीले अख्तियार दुरुपयोग अनुसन्धान आयोगका प्रमुख आयुक्त नवीन घिमिरेलाई अप्ठेरोमा पारिदिएका छन्। 

काठमाडौंको बालुवाटार जग्गा काण्ड भन्दा धेरै मूल्य र ठूलो परिमाणको मानिएको झापाको बालुवाटार जग्गा घोटाला काण्ड गर्ने समूहका अगुवा गगन पुरीका कारण अख्तियार प्रमुख अप्ठेरोमा परेका हुन्। झापाको बालुवाटारमा करिब ५० बिगाहा जग्गा कीर्ते गरी विभिन्न व्यक्तिको नाममा राखेका गगन पुरी नेकपा झापाका नेता हुन् । उनीविरुद्ध झापा जिल्ला अदालतले पक्राउ पूर्जी जारी गरेको छ । 

नेपाल प्रहरीको सिआईबीले जग्गा घोटाला छानविन क्रममा घोटाला काण्डको मुख्य अगुवा गगन देखिएपछि पक्राउ आदेश लिएको थियो । तर, पक्राउ परिने पहिले नै थाहा पाएपछि गगन फरार भएर भारत पुगेका छन् । उनलाई नेपाल प्रहरीले भारतबाट पक्रेर ल्याउने भएको छ । 

• बालुवाटारको जग्गा खरिद गर्ने पौडेल, घिमिरे, गोयल, गुरुङ बिरुद्ध अख्तियारले कहिले दायर गर्ला मुद्दा ?
• बालुवाटार जग्गा प्रकरणमा मुछिएका राजदुत पौडेललाई फिर्ता बोलाउनेबारे नेकपामा चर्चा
• नेकपाका नेताहरुलाई बालुवाटार देख्नै नहुने, झापामा किर्ते गरि ५० विघा हत्याए
• पौडेल मुछिएको वालुवाटारको प्रकरण खुलासा गर्ने पत्रकारलाई पुरस्कृत गर्न गएनन् अर्थमन्त्री

गगन पुरीले फरार अवस्थामा नै फेसबुकमा पाँच पानाको विवरण सार्वजनिक गरेका छन् । उनले त्यसमा अख्तियार प्रमुखसँग पनि भेटेको खुलासा गरेका छन् । बालुवाटारमा आफ्नो परिवारको ५० बिगाहा भन्दा धेरै जग्गा रहेको दावी गर्दै सो जग्गा सम्बन्धमा अख्तियारमा उजुर परेको उनले लेखेका छन् । अख्तियारमा उजुर परेपछि प्रमुख आयुक्त नवीन घिमिरेलाई भेटेर सो जग्गा आफ्नै हो भनी सहमत गराएको उनले लेखेका छन् । 

अख्तियारमा परेको उजुरी मिलाउन गगनले कसरी प्रमुख आयुक्तसँग भेटे भन्ने प्रश्न उठेको छ । आयुक्तलाई भेटेपछि सो उजुरीमा छानविन अगाडि नबढेको पनि गगनले खुलासा गरेका छन् । अख्तियारमा सो जग्गाका बास्तविक हकदार सुकुम्वासीहरुले उजुरी दिएका थिए । 

बालुवाटारको सो जग्गामा विगतमा सुकुम्वासी बस्थे । ०३९ सालमा उनीहरुको नाममा तत्कालीन सुकुम्वासी आयोगले सो जग्गा लेखिदिए पनि आयोग विघटन हुनाले धनीपूर्जा पाएका थिएनन् । पछि सो जग्गा रतुवा खोलाले खायो र वस्ती उठ्यो । पछि सो जग्गा गगन पुरीको समूहले कीर्ते गरेर कब्जा गरेको देखिएपछि सिआईबीले छानविन थालेको हो । 

फरार आरोपीले आफ्नो नाम लिएपछि अख्तियार प्रमुख घिमिरे पनि छक्क परेको स्रोतले बताएको छ । अख्तियार स्रोतका अनुसार सो जग्गा घोटाला प्रकरणमा थन्काइएको फायल अख्तियार प्रमुखले पुन खोल्न लगाएका छन् । 

• वालुवाटारको ललिता निवास जग्गा प्रकरणः विजय गच्छदारलाई बयान, बिष्णु पौडेललाई उन्मुक्ति !
• ओली सरकार भूमाफियाको चंगुलमा, भूमि ऐन पारित नहुँदै अरबौंको हदबन्दीका जग्गामा प्लटिङ
• सुमार्गीले १६ अर्बको फनपार्क बनाउदै, ओली र प्रचण्डबाट शिलान्यास गराउने तयारी
• केपी ओलीको आशिर्वाद पाएपछि भूमाफियाको पक्षमा ऐन बन्दै, अर्वौको चलखेल
• बालुवाटार जग्गा प्रकरणमा विवादित बिष्णु पौडेल बुटवलको सरकारी जग्गा हडप्नेसँग मिलेपछि

अख्तियार स्रोत अनुसार गगन पुरीको समूहले बालुवाटारको जग्गाको नक्कली कागजात बारम्बार परिवर्तन गरेको छ । एउटा चरणमा गरिएको परिवर्तनको अख्तियारले छानविन गरिरहेको छ भने अर्को चरणको परिवर्तनको सिआईबीले छानबिन गरिरहेको छ । गगन पुरी समूहले झापाका अन्य ठाउँका पनि जग्गा कब्जा गरेको आशंकामा अख्तियारले थप छानविन अगाडि बढाउन लागेको छ। 

गगनको समूहले कब्जा गरेको दमक बालुवाटारको जग्गामा अर्बपति अजेयराज सुमार्गी, प्रधानमन्त्री केपी शर्मा ओलीका स्वकीय सचिव इन्द्र भण्डारी, नेकपाका केन्द्रीय सदस्य देवेन्द्र दाहाल, ठेकेदार गणेश बस्नेत लगायतले १६ अर्ब रुपैयाँको लागतमा डिज्नेल्याण्ड पार्क बनाउने घोषणा गरेका थिए । अख्तियार र सिआईबीले जग्गा घोटाला छानबिन गरेसँगै उनीहरुको पार्क त्यहाँ नबन्ने भएको छ । 

सिआईबी स्रोत अनुसार सो जग्गा विगतमा सुकुम्वासीका रुपमा दर्ता भएका व्यक्ति तथा उनका परिवारलाई नै दिने गरी सिआईबीले अदालतमा मुद्दा दायर गर्ने भएको छ । त्यसैगरी सरकारी जग्गा भने सरकारकै नाममा फर्काइने भएको छ ।

• बालुवाटार जग्गा प्रकरणमा महासचिव पौडेललाई जोगाउन मन्त्री अर्यालको ग्राण्ड डीजाइन
• बालुवाटार जग्गा प्रकरण : बयानका लागि बोलाएका ८६ जनाको सूचीमा किन परेन विष्णु पौडेलको नाम ?
• स्वर्गद्वारीको ११ सय बिघा जमिन हडप्ने भूमाफियाको चलखेल
• बालुवाटारको जग्गा प्रकरणमा ८६ जनालाई बयान दिन बोलाइयो, शोभाकान्त र रामकुमारको श्रीमतीको नाम
• एमाले अध्यक्ष ओलीको संरक्षणमा भूमाफिया, ज्यापु समुदाय विरोधमा उत्रिदै