आत्मदाह गरेका गणेश नेपालीको पशुपतिमा दाहसंस्कार [तस्बिरहरू]
हाम्रा कुरा
प्रकाशित २०८३ असार २९ सोमबार
415
Shares
तस्बिर – नेपाल फोटो लाइब्रेरी ।
काठमाडौँ। त्रिपुरेश्वरस्थित राहदानी विभागअगाडि गत असार २५ गते आत्मदाह प्रयासपछि उपचारका क्रममा शुक्रबार वीर अस्पतालमा निधन भएका गणेश नेपालीको आज पशुपति आर्यघाटमा दाहसंस्कार गरिएको छ ।
दाहसंस्कारमा उल्लेख्य मात्रामा सर्वसाधारणको सहभागिता रहेको थियो ।
असार २५ गते राहदानी विभागअगाडि महानगर प्रहरीले गणेशको मोटरसाइकलमा ह्लील लक लगाएका थिए ।
त्यसपछि आत्मदाह प्रयास गरेका उनको वीर अस्पतालमा उपचार क्रममा शुक्रबार मृत्यु भएको थियो । उनको आत्मदाहपछि विभिन्न दृष्टिकोणबाट बहस चलिरहेको छ । नगर प्रहरीको भूमिका नागरिकलाई सेवा दिने भन्दा पनि कारबाही गर्न उद्धत रहेको भनी आलोचना भइरहेको छ ।
त्यस्तै रोजगारी बढाउनु भन्दा सरकार कसरी राजस्व बढाउन सकिन्छ भनी लागेकाले यस्ता घटनाहरू बढ्ने तर्कसमेत भइरहेको छ । नेपालबाट गरिबी हटाउने भन्दा पनि गरिब घटाउनतर्फ सरकार लागेको पनि आरोप छ ।
