इरानसँगको युद्धको बीचमा ट्रम्पले हटाए तीन सैन्य अधिकारी
हाम्रा कुरा
प्रकाशित २०८२ चैत २० शुक्रबार
2k
Shares
वाशिंगटन डीसी । अमेरिकी राष्ट्रपति डोनाल्ड ट्रम्पले इरान विरुद्धको युद्धका क्रममा तीन सैन्य अधिकारीलाई हटाएका छन् । अमेरिकी रक्षा सचिव पिट हेगसेथले युद्धको बीचमा सेना प्रमुख जनरल र्यान्डी जर्ज र दुई अन्य वरिष्ठ सैन्य अधिकारीहरूलाई हटाउने निर्णय गरेका हुन् ।
यो जानकारी अमेरिकी मिडिया रिपोर्टहरूमा खुलासा भएको छ। रिपोर्टहरू अनुसार हटाइएका अधिकारीहरूमा सेनाको रूपान्तरण र प्रशिक्षण कमाण्डका प्रमुख जनरल डेभिड होडने र सेनाको चैपलेन कोर्प्सका प्रमुख जनरल विलियम ग्रीन जुनियर समावेश छन्।
अर्कोतर्फ इरान सम्झौताको बारेमा राष्ट्रपति ट्रम्पले भने, "यदि यो सम्झौता भएन भने म उपराष्ट्रपति जेडी भान्सलाई दोष दिनेछु। यदि यो भयो भने, म सबै श्रेय लिनेछु।" ट्रम्पले ह्वाइट हाउसमा इस्टर लन्चको क्रममा ठट्टा गरे।
अमेरिका-इजरायल र इरानबीचको युद्ध ३५ दिनदेखि चलिरहेको छ । अहिलेसम्म ३६ सय ४२ जनाको ज्यान गइसकेको छ ।
