सिट बाँडफाँट र तालमेलको अन्तिम कसरत: कांग्रेस कार्यसम्पादन समितिको महत्वपूर्ण बैठक आज
हाम्रा कुरा
प्रकाशित २०८२ पुष २२ मंगलबार
1.7k
Shares
काठमाडौँ । नेपाली कांग्रेसको केन्द्रीय कार्यसम्पादन समितिको बैठक आज बिहान ११ बजे ललितपुरको सानेपास्थित केन्द्रीय कार्यालयमा बस्दैछ।
पार्टी कार्यालयका मुख्यसचिव कृष्णप्रसाद पौडेलका अनुसार आगामी निर्वाचनका लागि उम्मेदवारहरूको मापदण्ड तय गर्न र अन्य राजनीतिक दलहरूसँगको चुनावी तालमेलबारे ठोस निर्णय लिन यो बैठक बोलाइएको हो।
विशेष गरी राष्ट्रिय सभा निर्वाचनका लागि सिट बाँडफाँटका विषयमा कांग्रेसले नेकपा एमाले र नेकपा लगायतका प्रमुख दलहरूसँग शीर्ष तहमा संवाद जारी राखेको छ।
आजको बैठकमा आफ्ना उम्मेदवारहरूको प्रतिनिधित्व सुनिश्चित गर्ने र जितको आधार तय गर्न कुन–कुन शक्तिसँग सहकार्य गर्ने भन्ने विषयमा गम्भीर छलफल हुने बताइएको छ।
सत्ता समीकरण र आगामी चुनावी रणनीतिलाई लिएर कांग्रेसले लिन सक्ने नयाँ मोडलाई राजनीतिक वृत्तमा निकै चासोका साथ हेरिएको छ।
