काठमाडौँ । एसेज टेष्ट श्रृंखलामा अष्ट्रेलियाले कब्जा जमाएको छ । तेस्रो खेलमा ८२ रनको जित हासिल गर्दै अष्ट्रेलियाले दुई खेलअघि नै श्रृंखलामा कब्जा जमाएको हो ।
एडिलेडमा भएको खेलमा पहिले ब्याटिङ गरेको अष्ट्रेलियाले पहिलो इनिङ्समा ३७१ र दोस्रो इनिङ्समा ३४९ रन बनायो ।
इङ्ल्याण्डले पहिलो इनिङ्समा २८६ रन बनाएकामा ४३५ रनको चुनौती पछ्याउने क्रममा दोस्रो इनिङ्समा ३५२ रन बनाउन सक्यो ।
अष्ट्रेलियाका एलेक्स क्यारि प्लेयर अफ द म्याच भए । उनले पहिलो इनिङ्समा १०६ र दोस्रो इनिङ्समा ७२ रन जोडे । साथै ६ क्याच गरे ।
३–० ले अगाडि रहेको अष्ट्रेलिया अब क्लिन स्वीप गर्ने तरखरमा छ । यसअघि पहिलो र दोस्रो टेष्ट समान ८ विकेटले जितेको थियो ।
