arrow

मूलपानीमा कारको ठक्करबाट स्कुटर चालकको मृत्यु

logo
हाम्रा कुरा
प्रकाशित २०८२ कार्तिक ३ सोमबार
accident-final.jpg

काठमाडौँ । काठमाडौँ कागेश्वरी मनोहरा नगरपालिका-६ मूलपानी नर्लिङगेटस्थित सडकमा कारको ठक्करबाट गम्भीर घाइते भएका स्कुटर चालकको उपचारका क्रममा मृत्यु भएको छ ।

उक्त सडक खण्डमा बा ५ च ८३२० नम्बरको कारले बा.प्र.०२-०२७ प ६७३० नम्बरको स्कुटरलाई ठक्कर दिँदा सिन्धुपाल्चोक बलेफी गाउँपालिका-३ घर भइ हाल कागेश्वरी मनोहरा नगरपालिका-६ थली बस्ने ३६ वर्षीय मिङ्मार पाख्रिनको उपचारको क्रममा मृत्यु भएको उपत्यका ट्राफिक प्रहरी कार्यालयका प्रवक्ता नरेशराज सुवेदीले जानकारी दिए ।

उनले भने, “कारको ठक्करबाट पाख्रिन आइतबार राति गम्भीर घाइते भएका थिए । उनको शङ्खरापुर अस्पतालमा उपचारको क्रममा मृत्यु भएको हो ।”

ठक्कर दिने कार चालकलाई प्रहरीले नियन्त्रणमा लिएको प्रहरीले जनाएको छ ।



लोकप्रिय समाचार
लोकप्रिय समाचार
नयाँ