पूर्व उपराष्ट्रपति फर्के सक्रिय राजनीतिमा, प्रचण्डपछिको वरीयता [फोटोफिचर]
हाम्रा कुरा
प्रकाशित २०८१ पुष २१ आइतबार
1.1k
Shares
काठमाडौँ । सामान्यतया राष्ट्रपति र उपराष्ट्रपतिको पदलाई सम्मानित पद मानिन्छ । यो पदमा विराजमान भएपछि राजनीतिमा फेरि नफर्कनु राम्रो मानिन्छ । तर पूर्वउपराष्ट्रपति नन्दबहादुर पुन पासाङका हकमा यो लागू भएन ।
उनी अझ सक्रिय भएर राजनीतिमा होमिएका छन् । उनी आइतबारबाट औपचारिक रुपमै पार्टी राजनीतिमा फर्किएका छन् । पुन आइतबारदेखि शुरू भएको माओवादी केन्ख्रको केन्द्रीय कमिटी बैठकमा उपाध्यक्षका हैसियतमा पार्टी अध्यक्ष पुष्पमल दाहाल प्रचण्डसँगै बसेका छन् ।
राष्ट्रपति र उपराष्ट्रपति भएका व्यक्ति सक्रिय राजनीतिमा फर्किनेमा पुन पहिलो हुन् । राष्ट्रपति भइसकेकी एमालेकी पूर्व उपाध्यक्ष विद्यादेवी भण्डारीले पनि पार्टी राजनीतिमा फर्किन खुट्टा उचालिरहेका बेलामा पुनले भने कुर्सी पाइहाले ।
प्रचण्डपछिको वरीयतामा पुनलाई राखिएको छ । प्रचण्डको दायाँतिर पुन र बायाँतिर नारायणकाजी श्रेष्ठ रहने गरी आसन व्यवस्थापन गरिएको छ ।
राजनीतिमा रहिएन भने कुनै पनि बेला आफूमाथि संकट आउन सक्ने बुझेका पुन पुनः शक्तिकेन्द्रमै रहने लक्ष्य लिएको बुझिन्छ ।
राजधानीको धुम्वाराहीस्थित स्मार्ट दरबार बैङ्क्वेटमा जारी बैठकमा प्रचण्डले राजनीतिक तथा साङ्गठनिक प्रतिवेदन प्रस्तुत गर्दा ‘पार्टी रुपान्तरण र पुननिर्माणको सङ्कल्प – आजको आवश्यकता’ शीर्षकको राजनीतिक प्रतिवेदनमाथि केन्द्रित रही बैठकमा छलफल हुने प्रवक्ता अग्निप्रसाद सापकोटाले बताएका छन् ।
दुई ठूला दलहरु एमाले र माओवादीले एकैपटक केन्द्रीय कमिटी बैठक डाकेका हुन् ।
