-
-
-
-
काठमाडौँ । काठमाडौँसहित देशभरका विभिन्न स्थानमा मकर सङ्क्रान्ति (माघी) पर्व मनाइएको छ ।
आज माघे सङ्क्रान्तिको दिन काठमाडौंको टुँडिखेलमा मगर र थारु समुदायले माघी विशेष मेला आयोजना गरी माघी पर्व मनाएका हुन् ।
सो अवसरमा वसन्तपुरबाट झाँकीसहित टुँडिखेलसम्म र्याली समेत गरिएको हो । मेलामा माघी पर्वमा पाक्ने परिकार र थारु पहिरनले झकिझकाउ बनाएको थियो ।
मेलामा ढिक्री, घोगी, माछा र गँगटाजस्ता परिकारहरू राखिएको छ ।
माघीको अवसरमा नाचिने माघी, छोक्रा, हुर्दुग्वा, लठुवालगायतका नाच थारु समुदायमा प्रस्तुत गर्ने गरिन्छ ।
