-
-
-
-
काठमाडौं । डाक्टर जहिल्यै कुट्या छ, सिंहदरबार सुत्या छ धन्दै चिकित्सकहरूले प्रदर्शन गरेका छन् ।
चिकित्सकहरूले बुधवार माइतीघर मण्डलामा भेला भएर प्रदर्शन गरेका हुन् ।
उनीहरूले गृहमन्त्री नारायणकाजी श्रेष्ठको राजीनामा माग समेत गरेका छन् ।
उनीहरूले सरकारले दोषीलाई पक्राउ गरी कारबाही नगरेसम्म आफूहरूको आन्दोलन जारी रहने बताएका छन् ।
आन्दोलनरत चिकित्सक शेषराज घिमिरेले सरकारले सहमति गरेर मात्रै नपुग्ने भन्दै पक्राउ गरेर कारबाही गर्न माग गरे ।
प्रदर्शनमा उनीहरूले 'गृहमन्त्री राजीनामा दे, डाक्टर जहिल्यै कुट्या छ सिंहदरबार सुत्या छ, कामेको हातले उपचार सम्भव छैन' भन्ने नारा लगाएका छन् ।
मणिपाल शिक्षण अस्पताल लगायतका स्थानमा चिकित्सकमाथि भएका आक्रमणको विरोध गर्दै उनीहरू आन्दोलनमा छन् ।
स्वास्थ्यकर्मीहरूले स्वास्थ्यकर्मी तथा स्वास्थ्य संस्थाको सुरक्षासम्बन्धी पहिलो संशोधन ऐन, २०७९ अविलम्ब कार्यान्वयनको माग राखेका छन् ।
