काठमाडौं । अर्जेन्टाइन फुटबल स्टार लियोनल मेस्सी अमेरिकी क्लब इन्टर मियामी जाने भएका छन् । फ्रेन्च च्याम्पियन पेरिस सेन्ट जर्मेन पीएसजीबाट बाहिरिएपछि मियामी जाने भएका हुन् ।
३५ वर्षीय मेस्सीलाई साउदी अरेबियाको क्लब अल हिलालबाट थप आकर्षक प्रस्ताव थियो । त्यस्तै फाइनान्सियल फेयर प्ले सीमितताका कारण पुरानै स्पेनिश क्लब बार्सिलोना फर्कन असम्भव भयो।
तर उनले भने अमेरिकी क्लब नै रोजे । उनी अल हिलाल गएको भए जीवनभरकै सबैभन्दा कीर्तिमानी कमाइ गर्ने थिए ।
‘मैले युरोप छोड्ने निर्णय गरे,’ मेस्सीले अखबार डायरियो स्पोर्ट र मुन्डो डेपोर्टिभोलाई भने, ‘मैले मियामी जाने निर्णय लिएको छु ।’
‘विश्वकप जितिसकेपछि र बार्सिलोनामा जान नसकेपछि फुटबललाई फरक तरिकामा बाँच्न र मेरो दैनिक जीवनको मजा लिने समय हो, उनले अगाडि भने, ‘अबको खेल स्पष्ट रूपमा उही जिम्मेवारी र जित्ने चाहनाको साथ, राम्रोसँग गर्न, तर थप शान्तसँग ।’
पूर्व बार्सिलोना फरवार्ड यस गर्मीमा क्याटालान क्लबमा फर्कन उत्सुक थिए । तर ला लिगामा अर्को सिजनको लागि लाग्ने एफफपी सीमितताहरूले उनलाई फिर्ता ल्याउन कुनै पनि महत्वाकांक्षी योजना बनाएनन् ।
उनले थपे, ‘यो सत्य हो कि मलाई अर्को युरोपेली टोलीबाट अफर आएको थियो तर मैले यो बारे सोचेको पनि थिइन किनभने युरोपमा मेरो विचार बार्सिलोना फर्कने मात्र थियो तर त्यो सम्भवः भएन ।’
मेस्सी स्पेनिश क्लब बार्सिलोनाबाट २०२१ मा पीएसजी गएका थिए ।
