-
-
-
-
काठमाडौं । रविन्द्र जडेजाको अलराउन्ड प्रदर्शनले भारतले अष्ट्रेलिया विरुद्धको पहिलो टेष्ट क्रिकेटमा ठोस प्रदर्शन गरेको छ । ५ विकेटसमेत लिएका जडेजाले शानदार अर्धशतक बनाएर खेलेसँगै भारत बलियो स्थितिमा पुगेको हो ।
नागपुरमा जारी खेलमा पहिले ब्याटिङ गरेको अष्ट्रेलियाले १७७ रनमात्र बनाउन सक्यो । जडेजाले ५ तथा रविचन्द्रन आश्विनले ३ विकेट लिए ।
जवाफमा भारतले दोस्रो दिनको समाप्तिसम्म ७ विकेटको क्षतिमा ३२१ रन बनाएर १४४ रनको अग्रता बनाइसकेको छ । जडेजा ६६ तथा अक्षर पटेल ५२ रन बनाएर अविजित छन् ।
त्यस्तै कप्तान रोहित शर्माले १२० रन बनाएका छन् । रोहितले यो शतकसँगै रेकर्ड पनि बनाएका छन् । करियरको १५ औं शतक बनाएर उनले रेकर्ड बनाएका हुन् ।
अष्ट्रेलिया चार टेष्ट खेल्न भारत आएको हो ।
