-
-
-
-
काठमाडौं । यस वर्षको युरो कप फुटबल प्रतियोगिता शनिबारदेखि शुरु हुँदैछ । प्रतियोगिताअघिको मैत्रिपूर्ण खेलमा साविक विजेता पोर्चुगलले शानदार प्रदर्शन गरेको छ ।
बुधबार राति भएको खेलमा पोर्चुगलले इजरेललाई ४–० गोल अन्तरले हरायो । पोर्चुगललाई जित दिलाउन ब्रुनो फर्नान्डेसले दुई तथा क्रिस्टियानो रोनाल्डो र जोआ कान्सेलोले एक एक गोल गरे ।
खेलको ४१ औं मिनेटसम्म भने इजरेलले गोलरहित बराबरीको खेल खेल्न सफल भएको थियो ।
युरोकपमा पोर्चुगल
पोर्चुगल यस पटक कठिन समूहमा रहेको छ । पोर्चुगल रहेको समूह ‘एफ’ मा विश्वकप विजेता फ्रान्स, जर्मनी र हंगेरी रहेका छन् ।
पोर्चुगलको पहिलो खेल हंगेरीसँग हुनेछ ।
प्रतियोगिता एक महिनासम्म चल्नेछ ।
