-
-
-
-
काठमाडौँ । नेपालमा पहिलो पटक अर्बौ मुल्य पर्ने ‘युरेनियम’ बरामद गरिएको छ । नेपाल प्रहरीले २ किलो ९ सय ग्राम ‘युरेनियम’ सहित चार जनालाई पक्राउ गरेको हो ।
महानगरीय प्रहरी कार्यालय रानीपोखरीबाट खटिएको प्रहरी टोलीले काठमाडौँको बौद्ध क्षेत्रबाट २ किलो ९ सय ग्राम ‘युरेनियम’ सहित चार जनालाई पक्राउ गरेको एआइजी हरी बहादुर पालले जानकारी दिए ।
बरामद ‘युरेनियम’ को मूल्य यदि प्रशोधन गरिएको भए दुई अरब भन्दा बढी पर्ने बताइन्छ । सो पदार्थ प्रशोधन गरिएको वा नगरिएको खुलेको छैन ।
पक्राउ पर्नेहरूमा रामेछापका ४० वर्षीय नारायणसिंह तामाङ, ४० वर्षीया जानुका तामाङ, २० वर्षीय प्रकाश चौहान र सिन्धुलीका २० वर्षीय मनोज न्यौपाने छन् ।
पक्राउ परेकाहरूलाई विस्फोटक पदार्थसम्बन्धी ऐनअनुसार कारबाही हुने प्रहरीले बताएको छ ।
