पहिरो पन्छाएपछि नारायणगढ-मुग्लिन सडक पूर्ण रूपमा सञ्चालनमा
हाम्रा कुरा
प्रकाशित २०८३ साउन ११ सोमबार
329
Shares
काठमाडौँ । ठाउँठाउँमा खसेको पहिरो पन्छाएपछि नारायणगढ-मुग्लिन सडकखण्ड पूर्ण रूपमा सञ्चालनमा आएको छ। आज बिहान १७ किलो र सिमलताल नजिक लेदो र ढुङ्गासहित पहिरो खसेपछि उक्त सडक मार्ग अवरुद्ध बनेको थियो।
सडक डिभिजन कार्यालय चितवनका सूचना अधिकारी तथा इन्जिनियर कृष्ण आचार्यका अनुसार १७ किलोमा खसेको ढुङ्गा र सिमलताल नजिक खसेको लेदोसहितको पहिरो पन्छाएर सुरुमा सडक एकतर्फी रूपमा खुलाइएको थियो।
त्यसपछि क्रमशः सवारी चाप कम गर्दै लगेर दुवै ठाउँको पहिरो पूर्ण रूपमा हटाएपछि दिउँसो ३:१५ बजेदेखि सडक दुईतर्फी रूपमा पूर्ण रूपमा सञ्चालनमा ल्याइएको उनले जानकारी दिएका छन्।
