-
-
-
-
काठमाडौँ। दक्षिण कोरियाका राष्ट्रपति ली जे-म्युङले आइतबार हान सेओङ-सुकलाई देशको नयाँ प्रधानमन्त्रीका रूपमा मनोनीत गरेका छन् ।
राष्ट्रपति कार्यालयले विज्ञप्ति जारी गर्दै सो मनोनयनको औपचारिक घोषणा गरेको हो ।
हान सेओङ-सुक दक्षिण कोरियाको अग्रणी इन्टरनेट कम्पनी नेभरकी पूर्व प्रमुख कार्यकारी अधिकृत हुन् ।
उनी हाल ली प्रशासनमा साना तथा मझौला उद्योग तथा स्टार्टअप मन्त्रीका रूपमा कार्यरत छिन् ।
प्रविधि क्षेत्रमा लामो अनुभव र डिजिटल नवप्रवर्तनमा उनको विज्ञताका कारण उनी परिचित मानिन्छिन् ।
संसदबाट उनको नाम अनुमोदन भएमा हान विगत दुई दशकमा दक्षिण कोरियाको प्रधानमन्त्री बन्ने पहिलो महिला हुनेछिन् ।
यसअघि सन् २००६ देखि २००७ सम्म हान म्योङ-सुकले प्रधानमन्त्रीको जिम्मेवारी सम्हालेकी थिइन् ।
