-
-
-
-
काठमाडौँ । दक्षिण कोरियाको ग्योन्गी प्रान्तमा सोमबार सैन्य हेलिकप्टर दुर्घटनाग्रस्त भएको छ ।
योन्हाप समाचार एजेन्सीका अनुसार यस दुर्घटनामा दुई जना गम्भीर घाइते भएका छन् र उनीहरूलाई मुटुको चाल बन्द भएको अवस्थामा अस्पताल लगिएको छ ।
राजधानी सोललाई घेरेको यस प्रान्तको गप्योङ काउन्टीमा स्थानीय समय अनुसार बिहान करिब ११ बजे उक्त हेलिकप्टर दुर्घटना भएको हो ।
दुर्घटनामा परेका दुवै व्यक्तिलाई गम्भीर चोट लागेको छ ।
उडान प्रशिक्षणका लागि उडेको उक्त हेलिकप्टर दक्षिण कोरियाली सेनाको एएच-वानएस कोब्रा मोडेलको थियो ।
समाचारअनुसार यो हेलिकप्टर सेवाबाट अवकाशको प्रक्रियामा रहेको थियो ।
दुर्घटनाका क्रममा कुनै पनि विस्फोट वा आगलागी भएको छैन ।
अधिकारीहरूले दुर्घटनाको कारणबारे अनुसन्धान शुरू गर्ने बताएका छन् ।
