बीपीपछि पार्टीको घोषणापत्र लेख्ने सभापति गगन मात्र हुन् : शंकर तिवारी
हाम्रा कुरा
प्रकाशित २०८२ माघ २७ मंगलबार
2.1k
Shares
काठमाडौँ । बीपी कोइरालापछि नेपालको मुख्य दलमा पार्टी सभापति आफैँले घोषणापत्र लेख्ने व्यक्ति कांग्रेसका सभापति गगनकुमार थापा बन्ने भएका छन् ।
कांग्रेस युवा नेता शंकर तिवारीले निर्वाचन लक्षित प्रशिक्षक प्रशिक्षण कार्यक्रममा स्याङ्जाको क्षेत्र नं १ पुतलीबजार नेपाली कांग्रेसको पार्टी कार्यालयमा आयोजित कार्यक्रममा उक्त कुरा बताएका हुन्।
तिवारीले भने, ‘नेपाली कांग्रेसले घोषणापत्रलाई संकल्पपत्र नाम दिने तय पनि गरेको छ । नेपाली कांग्रेसका संस्थापक नेता बीपी कोइरालाले २०१५ सालको प्रथम आम निर्वाचनमा नेपाली कांग्रेस पार्टीको घोषणापत्र आँफैले तयार गरेका थिए । त्यतिबेला पनि बीपी कोइराला विशेष अधिवेशनबाट सभापतिमा चयन हुनुभएको थियो भने अहिले पनि गगन थापा विशेष अधिवेशनबाट सभापतिमा चयन हुनु रोचक संयोग हो ।’
घोषणापत्रको कार्यान्वयन प्रधानमन्त्रीको उम्मेदवारले गर्ने भएकाले आफूलाई पार्टीले प्रधानमन्त्रीबाट प्रस्ताव गरेकाले गगन थापाले त्यसको कार्यान्वयनको जिम्मेवारी आफ्नै हुने भएकाले आँफै घोषणापत्र लेख्न लागि परेको शंकर तिवारीले बताए ।
कार्यक्रममा स्याङ्जा निर्वाचन क्षेत्र नं १ का सबै पालिकाका नेपाली कांग्रेसका अगुवा कार्यकर्ताहरूको उपस्थिति थियो ।
