काठमाडौँ । आज जनवरी १, सन् २०२६ का दिन राष्ट्रिय पोशाक र टोपी दिवस देशभर विभिन्न कार्यक्रमसहित मनाइएको छ ।
यस वर्ष ‘नेपाली टोपीः हाम्रो पहिचान’ भन्ने नाराका साथ १३औँ राष्ट्रिय पोशाक र टोपी दिवस विभिन्न युवा संस्थाहरूको आयोजनामा काठमाडौँको वसन्तपुरमा मनाइयो ।
कार्यक्रममा सहभागीहरूले नेपाली दौरा–सुरुवाल, ढाका टोपी र गुन्यु–चोली लगाएर नाचगान गर्दै एक–अर्काबीच शुभकामना आदान–प्रदान गरेका छन्।
नेपाली पहिचानका प्रतीक दौरा–सुरुवाल, ढाका टोपी र गुन्यु–चोलीको संरक्षण तथा प्रवर्द्धन गर्ने उद्देश्यले वि।सं। २०७० देखि शुुरू गरिएको यो अभियान हरेक वर्ष जनवरी १ तारिखमा मनाइँदै आएको छ।
पछिल्ला वर्षहरूमा सामाजिक सञ्जालमार्फत यसको व्यापक प्रचार–प्रसार भइरहेको छ।
