इजरायलद्वारा दक्षिण लेबनानका विभिन्न स्थानमा हवाई आक्रमण
हाम्रा कुरा
प्रकाशित २०८२ कार्तिक ४ मंगलबार
2.4k
Shares
काठमाडौँ । इजरायली लडाकु विमानहरूले सोमबार बिहान दक्षिण लेबनानका विभिन्न स्थानमा हवाई आक्रमण गरेको लेबनान राष्ट्रिय समाचार संस्था (एनएनए) ले जनाएको छ।
प्राप्त जानकारी अनुसार, इजरायली ड्रोन अल-जहरानी क्षेत्रका गाउँ, बेरुत सहर र त्यसका दक्षिणी उपत्यकामा निकै तल्लो उचाइमा व्यापक रूपमा उडान गरिरहेका थिए, जसले स्थानीयमा त्रासको वातावरण सिर्जना गरेको थियो।
इजरायली सेनाले दक्षिण लेबनानमा रहेको हिज्बुल्लाहको ’आतङ्कवादी संरचना’ लक्षित गरी हमला गरिएको दाबी गरेको छ।
सेनाका अनुसार, हिज्बुल्लाह फेरि सक्रिय हुन खोज्दैछ, जुन इजरायल-लेबनानबीच भएको समझदारीको खुला उल्लङ्घन हो।
गत वर्ष नभेम्बर २७ गतेदेखि दुवै पक्षबीच युद्धविराम लागू भए पनि इजरायलले समय-समयमा लेबनानी भूभागमा आक्रमण गर्दै आएको छ।
साथै, फेब्रुअरी १८ गतेभित्र फौज हटाउने सर्त भएको भए पनि इजरायली सेना अझै पाँचवटा सीमावर्ती स्थानमा तैनाथ रहेको बताइएको छ। एजेन्सी
