काठमाडौँ । नेकपा एमालेका नेता ऐन महर पक्राउ परेका छन् । काठमाडौँ जिल्ला अदालतको पक्राउ पुर्जीको आधारमा महरलाई अनुसन्धानका लागि बुधबार पक्राउ गरिएको हो ।
बझाङ निवासी रश्मिला धामीले गालीबेइज्जती तथा चरित्र हत्यासम्बन्धी दिएको जाहेरीका आधारमा अदालतले भदौ ९ गते पक्राउ पुर्जी जारी गरेको थियो । उनीविरुद्ध विद्युतीय अपराधको उजुरी दर्ता भएको थियो ।
प्रहरीको साइबर ब्युरोले महरलाई पक्राउ गरेको हो ।
एमालेका केन्द्रीय सदस्य महर अनेरास्ववियुको विद्यार्थी राजनीति हुँदै केन्द्रीय सदस्य बनेका हुन् ।
बझाङका महर गएको निर्वाचनमा संघीय सांसदका उम्मेदवारसमेत बनेका थिए ।
