धादिङमा कांग्रेस पार्टी कार्यालय बनाउन नेपाली जनसम्पर्क समिति डेनमार्कको आर्थिक सहयोग
हाम्रा कुरा
प्रकाशित २०८२ असार ४ बुधबार
3.3k
Shares
तस्बिर – फाइल ।
धादिङ । नेपाली जनसम्पर्क समिति डेनमार्कले नेपाली जनसम्पर्क समितिको स्थापना दिवसको अवसर पारेर नेपालमा निर्माणाधीन बीपी स्मृति भवनको निर्माणमा आर्थिक सहयोग गरेको छ ।
नेपाली जनसम्पर्क समिति साइप्रसकी संस्थापक सभापति एवं नेपाली जनसम्पर्क समिति समन्वय विभागकी सदस्य सीता अर्यालको पहलमा डेनमार्कस्थित समितिले नेपाली रुपैयाँ ८०,००० (असी हजार) आर्थिक सहयोग गरेको छ ।
उक्त रकम नेपाली कांग्रेस धादिङ क्षेत्र नम्बर १ अन्तर्गत निर्माणाधीन बीपी स्मृति भवनको निर्माण कार्यमा खर्च गरिनेछ । समितिको तर्फबाट प्रदान गरिएको सहयोगले भवन निर्माण कार्यलाई थप गति दिने विश्वास लिइएको छ ।
समितिका सभापति यादव बस्नेतको नेतृत्वमा गरिएको यो सहयोगी कार्यले प्रवासमा रहेका नेपालीहरू माझ सामाजिक उत्तरदायित्वप्रति जागरुकता बढाएको छ । नेपाली जनसम्पर्क समिति, डेनमार्कले विगतदेखि नै नेपाली जनसमुदायसँग सम्बन्धित सामाजिक र राष्ट्रिय महत्वका गतिविधिहरूमा सक्रियता देखाउँदै आएको छ ।
नेपाल र प्रवासबीचको सम्बन्धलाई सशक्त बनाउँदै, प्रवासी नेपालीहरूले देशको विकास र प्रगतिको यात्रामा अपनाएको सक्रिय भूमिका अत्यन्त प्रेरणादायी छ । बीपी स्मृति भवन नेपाली कांग्रेसका संस्थापक नेता बीपी कोइरालाको योगदानको स्मरणमा निर्माण गरिँदैछ ।
उक्त भवन सामाजिक, शैक्षिक तथा राजनीतिक गतिविधिका लागि प्रयोगमा ल्याइने योजना रहेको छ ।
यस सहयोगप्रति नेपाली जनसम्पर्क समिति डेनमार्कलाई धादिङ क्षेत्रका नेता तथा स्थानीयवासीले पनि आभार प्रकट गरेका छन् । नेपाली जनसम्पर्क समिति डेनमार्कले आगामी दिनहरूमा पनि यस्ता रचनात्मक र सकारात्मक गतिविधिमा सक्रिय सहयोग जारी राख्ने प्रतिबद्धता जनाएको छ ।
समितिको यस कार्यले प्रवासी नेपाली समुदायमा एकताको भावना बलियो बनाउने विश्वास लिइएको छ ।
