दुई शीर्ष नेतालाई देश छोड्न प्रतिबन्ध, विद्रोहको आरोपमा अनुसन्धान
हाम्रा कुरा
प्रकाशित २०८२ जेठ १४ बुधबार
1.6k
Shares
हान डक सू
काठमाडौँ । दक्षिण कोरियाली प्रहरीले पूर्व प्रधानमन्त्री हान डक सू र आर्थिक मामिलाका पूर्वउपप्रधानमन्त्री चोई साङ मोकलाई कथित विद्रोहको आरोपमा मे महिनाको मध्यदेखि देश छोड्न प्रतिबन्ध लगाएको छ।
प्रहरीको विशेष अनुसन्धान इकाईले हान र चोईका साथै गत डिसेम्बरमा देश छोड्न निषेध गरिएका पूर्वआन्तरिक मन्त्री ली साङ मिनलाई सोमबार सोधपुछका लागि बोलाएको थियो।
अप्रिलमा पदबाट हटाइएका पूर्व राष्ट्रपति युन सुक योलले लगाएको असफल मार्सल लको प्रयासमा यी तीन पूर्वसरकारी अधिकारीहरू संलग्न रहेको आशंका गरिएको छ।
यस घटनाले दक्षिण कोरियाको राजनीतिक वृत्तमा खैलाबैला मच्चाएको छ र उच्च पदस्थ अधिकारीहरूमाथि लागेको यो गम्भीर आरोपको अनुसन्धान जारी छ।
