काठमाडौँ । इन्डियन प्रिमियर लिग आईपीएलको १८ औँ संस्करणको चौथो खेलमा आज दिल्ली क्यापिटल्स र लखनउ सुपर जाइन्टसबीच भिडन्त हुँदैछ ।
खेल नेपाली समयअनुसार बेलुकी पौने ८ बजे विशाखापट्नममा हुँदैछ । दिल्लीको कप्तानी अक्षर पटेलले गर्दैछन् भने लखनउको कप्तानी ऋषभ पन्तले गर्दैछन् । दुवै टिमले नयाँ कप्तान चुनेका हुन् ।
अढाई महिना चल्ने आईपीएलमा १० टिम सहभागी छन् । मुम्बई इन्डियन्स र चेन्नई सुपर किंगसले समान ५ पटक उपाधि जितेका छन् भने साविक विजेता कोलकाता नाइट राइडर्स हो ।
यसअघिको नतिजा
–तेस्रो खेलमा चेन्नई सुपर किंग्सले मुम्बई इन्डियन्सलाई ४ विकेटले हरायो ।
–दोस्रो खेलमा सनराईजर्स हैदराबादले कूल ५२८ रन भएको खेलमा राजस्थान रोयल्सलाई ४४ रनले पराजित गरेको छ । हैदराबादका इशान किशनले ४७ बलमा अविजित रहँदै १०६ रन बनाए ।
–पहिलो खेलमा रोयल च्यालेन्जर्स बैंगलुरूले कोलकाता नाइट राइडर्सलाई ७ विकेटले हराएयो ।
