एनएमबि बैङ्कमा नयाँ प्रमुख कार्यकारी अधिकृत नियुक्त
हाम्रा कुरा
प्रकाशित २०८१ फागुन २६ सोमबार
475
Shares
तस्बिर : फाइल
काठमाडौँ। एनएमबि बैङ्कले आफ्नो सञ्चालक समितिको बैठकमा गरेको निर्णय अनुसार नयाँ प्रमुख कार्यकारी अधिकृत (सिइओ) र वरिष्ठ नायब प्रमुख कार्यकारी अधिकृत (डेप्युटी सिइओ) को नियुक्ति गरेको छ।
हाल नायब प्रमुख कार्यकारी अधिकृत पदमा रहेका गोविन्द घिमिरेलाई २०८२ वैशाख १० गतेदेखि ४ वर्षको अवधिका लागि प्रमुख कार्यकारी अधिकृत पदमा नियुक्त गरिएको छ। त्यस्तै नायब प्रमुख कार्यकारी अधिकृत पदमा रहेका सुदेश उपाध्यायलाई वरिष्ठ नायब प्रमुख कार्यकारी अधिकृत पदमा बढुवा गरिएको छ।
एनएमबि बैङ्कले हालसम्म देशभर २०२ शाखा, १८७ एटिएम, र १० एक्सटेन्सन काउन्टर मार्फत उच्चस्तरीय बैङ्किङ सेवा प्रदान गर्दै आएको छ। यसले गर्दा बैङ्कले ग्राहकहरूको विश्वास जित्न सफल भएको छ।
एनएमबि बैङ्कले लण्डनस्थित “द ब्यान्कर” पत्रिकाद्वारा एसियाकै सर्वोत्कृष्ट बैङ्क “बैङ्क अफ द इयर एसिया २०२१” को उपाधिबाट सम्मानित भएको छ। यो उपाधिले बैङ्कको अन्तर्राष्ट्रिय मान्यता र गुणस्तरीय सेवाको प्रमाणित गर्दछ।
यसरी, एनएमबि बैङ्कले नयाँ नेतृत्वको साथ आफ्नो सेवा विस्तार र गुणस्तरलाई अझ बलियो बनाउने प्रतिबद्धता देखाएको छ।
