काठमाडौँ । युवा कलाकार प्रतिभा पोखरेलको एकल तस्बिर प्रदर्शनी ललितपुरमा भइरहेको छ । गत पुस ११ गतेदेखि झम्सिखेलको द वेलनेस क्याफेमा रहेको आर्ट ग्यालेरीमा उनको ‘सोलो आर्ट एक्जिबिशन’ भइरहेको हो ।
उनका ८० आर्ट र चार ओटा क्राफ्टस प्रदर्शनीमा रहेका हुन् । उनका कलामा हिन्दूभाव झल्किन्छ ।
मानिसले आफ्नो आँट कसरी बाहिर प्रस्फुटित गर्नुपर्छ भनी आफ्ना कलामा देखाउन खोजेको प्रतिभाले बताइन् ।
उनले यसअघि नेपालसँगै सामूहिक रूपमा बेलायत, स्पेन र भारत लगायतमा गरी १४ पटक प्रदर्शनी गरिसकेकी छिन् ।
उनी यही कला हाल राई स्कूलमा विद्यार्थीहरूलाई सिकाउँदै आएकी छिन् । उनको कला प्रदर्शनी आगामी बिहीबारसम्म चल्नेछ ।
उक्त प्रदर्शनीमा प्रतिभाकी साथी विनिता कठितले आफ्ना हातले बनाएका विभिन्न ७० प्रकारका सामग्री प्रदर्शनीसँगै बिक्रीका लागि राखेकी छिन् ।
