बाबुरामले थारुतिर कुरा ताने –‘नवलपरासीदेखि कैलालीसम्म नटुक्रिने गरी प्रदेश हुनुपर्छ’
संशोधनका नाममा चुनावी रोटी नसेकौँ
प्रकाशित २०७३ मंसिर ९ बिहिबार
1.2k
Shares
तिलोत्तमा । नयाँ शक्ति पार्टी नेपालका संयोजक डा बाबुराम भट्टराईले संविधान संशोधनका लागि दलहरुबीच सहमति हुनुपर्ने बताएका छन् । पत्रकारसंग उनले भने, ‘सहमतिबिना हुने संशोधनले निकास निस्कदैन् ।’
संयोजक भट्टराईले कुनै प्रदेशको सीमा परिवर्तन गर्ने नगर्ने विषय ठूलो नभएको बताउँदै खस, आर्य, आदिवासी, जनजाति, मधेसी लगायत सबै समुदायको अधिकार सुनिश्चित गर्नुपर्छ भने ।
कुनै दलका थोरै र धेरै सिट आउने अनुमानका आधारमा संशोधनको नाटक गर्न नहुने बताउँदै भट्टराईले भने, ‘ संशोधनको नाममा चुनावी रोटी सेक्नु हुँदैन ।
पूर्व प्रधानमन्त्री समेत रहेका संयोजक भट्टराईले शासकीय स्वरुपमा पनि संशोधन गर्नुपर्ने आवश्यकता औल्याउँदै प्रत्यक्ष निर्वाचित राष्ट्रपति र मिश्रित व्यवस्थापिका–संसद् हुनुपर्ने विचार राखे ।
प्रत्यक्ष कार्यकारी प्रमुख नहुँदासम्म देशको समस्या यस्तै रहिरहने जिकिर गर्दै नेता भट्टराईले कुनै पनि बहानामा संविधान संशोधनलाई लम्ब्याउन नहुने बताए ।
संयोजक भट्टराईले प्रदेश ५ टुक्र्याउने वा नटुक्र्याउने भन्ने कुरा मुख्य सवाल नहुने भन्दै थारुहरुको अधिकारका लागि नवलपरासीदेखि कैलालीसम्म नटुक्रिने गरी प्रदेश निर्माण हुनुपर्नेमा जोड दिए । रासस
