शरणार्थी प्रकरणको अनुसन्धान गर्ने एसएसपीद्धय कार्की र केसी पुरस्कृत
हाम्रा कुरा
प्रकाशित २०८० साउन ३ बुधबार
7k
Shares
तस्बिर – फाइल ।
काठमाडौँ । नक्कली भुटानी शरणार्थी प्रकरणको अनुसन्धान गर्ने एसएसपीद्वय दानबहादुर कार्की र डा. मनोजकुमार केसी पुरस्कृत भएका छन् ।
प्रहरी महानिरीक्षक वसन्त कुँवरले उत्कृष्ट काम गरेको भन्दै काठमाडौँ प्रहरी परिसर प्रमुख एसएसपी कार्की र काठमाडौँ उपत्यका अपराध अनुसन्धान कार्यालय प्रमुख एसएसपी केसीलाई नगदसहित पुरष्कृत गर्ने निर्णय गरेका हुन् ।
विभागीय नीति तथा आदेश निर्देशनलाई आत्मसाथ गरि निर्दिष्ट जिम्मेवारी अनुशासित ढंगले लगनशील, इमान्दार, व्यवसायिक एवं कर्तव्यनिष्ठ तवरले कुशलतापूर्वक प्रशासनिक रूपमा कार्य सम्पादन गरेको भन्दै आईजीपी कुँवरले पुरष्कृत गर्ने निर्णय गरेको प्रहरी प्रधान कार्यालय प्रशासन शाखाले जनाएको छ ।
यो निर्णयले प्रहरी कर्मचारीमा सकारात्मक प्रभाव पर्ने प्रहरी प्रधान कार्यालयको विश्वास छ । आईजीपीबाट पुरष्कृत हुनेमा एआईजी मीरा चौधरी, डीआईजी बुद्विराज गुरूङ, एसएसपी दिनेश आचार्यदेखि एसपी, डीएसपी, इन्सपेक्टर, प्रहरी हवल्दार र कार्यालय सहयोगीसम्म गरी २४ जना छन् ।
.jpg)
.jpg)
