-
-
-
-
काठमाडौं । भारतको मुम्बईस्थित नेशनल बर्नस् सेन्टरमा उपचाररत नेपाली कांग्रेसका सांसद डा.चन्द्र भण्डारीका स्वास्थ्य सामान्य उन्मुख भएको छ । उनको स्वास्थ्यमा निकै नै सुधार आएको अस्पताल परिसरबाट जानकारी दिइएको छ ।
भाइटल्स (शरीरको तापक्रम, धडकनको गति, स्वास–प्रश्वासको दर, रक्तचाप) सवै सामान्य अवस्थामा रहेका छन् । उनको दायँ र बायाँ हातको केही भाग र औंलाको शल्यक्रिया सर्जरी गरिएको छ ।
त्यसैगरी उनलाई आईवीसीयूको प्रोटोकल अनुसार गएरातिदेखि सर्जरी भएको कारण पुनः आईवीसीयू (आईसीयू) मा अब्जरभेसनका लागि राखिएको छ ।
उनी दुई साताअघि घरमा जलेका थिए । ग्यास लिग भएर आगलागी हूँदा उनीसहित उनकी आमा जलेका थिए । उनकी आमाको अर्को दिन नै निधन भएको थियो भने उनलाई अर्को दिन भारतको मुम्बई लगिएको थियो ।
शरीरको करिब ३० प्रतिशत भाग जलेको भनिएका डा. भण्डारीको स्वास्थ्यमा निकै नै सुधार आइरहेको बताइएको छ ।
