-
-
-
-
काठमाडौं । ग्यास लिक भएर आगलागी हुँदा जलेका नेपाली कांग्रेसका सांसद डा. चन्द्र भण्डारीको भारतको मुम्बईस्थित नेशनल बर्नस् सेन्टरमा उपचार भइरहेको छ ।
उनको आजै दुईवटा शल्यक्रिया हुँदैछ । बिहान ११ बजे पहिलो शल्यक्रिया गर्न अपरेशन थिएटरमा लगिएको भए पनि अहिलेसम्म कुनै अपडेट नगराइएको मुम्बईबाट माधव न्यौपानेले जानकारी दिए । उनले भण्डारीको अवस्था नेपालमा भएजस्तै रहेको बताए ।
गत बुधबार राति घरमा ग्यास लिक भएर आगलागी हुँदा जलेका भण्डारीको ३० प्रतिशत शरीरको भाग जलेको बताइएको छ । कीर्तिपुरस्थित बर्न अस्पतालमा उनको उपचार भएकामा हिजो बिहान चिकित्सकको टोलीले थप उपचार नेपालमा सम्भव नहुने बताएसँगै श्रीएयरलाइन्सको विमान चार्टर्ड गरेर डा. भण्डारीलाई मुम्बई लगिएको थियो ।
सो घटनामा जलेकी उनकी आमाको भने निधन भएको छ । हिजो निधन भएकी उनको आज दाहासंस्कार गरिँदैछ ।
