राष्ट्रिय सभामा काँग्रेसको चेतावनी : 'के प्रतिपक्षसँग निहुँ नै खोजेको हो ?'
प्रकाशित २०७५ माघ ७ सोमबार
164
Shares
काठमाडौं । नेपाली काँग्रेसले राष्ट्रि सभाको बैठक अबरुद्ध गरेको छ । सोमबार बसेको राष्ट्रिय सभा बैठकमा सुरुमा नै काँग्रेस सांसद्हरुले उठेर विरोध गरेका हुन्।
त्यसपछि राष्ट्रि सभा अध्यक्ष गणेश तिमल्सिनाले काँग्रेस सांसद् सरिता प्रसाईलाई बोल्न समय दिएका थिए । सो समयमा बोल्दै नेता प्रसाईंले गणतन्त्र ल्याउन र सांविधान जारी गर्ने गिरिजाप्रसाद कोइराला र सुशील कोइरालाको नाममा खुलेका स्वास्थ्य संस्थाहरु बन्द गराएर के सरकारले प्रतिपक्षसँग निहुँ नै खोजेको हो ? भन्दै प्रश्न गरेकि छिन् ।
प्रसाईँले राज्यमा दण्डहिनता बढाएर नचाहिँदा काममा सरकार लागि रहेको भन्दै यस्ता विषयमा प्रतिपक्षलाई कमजोर सोचेमा सरकारलाई नै यसले नोक्सन हुने चेतावनी समेत दिइन् ।
सांसद् प्रसाईले ५ वर्षको म्याण्डेड लिएर आएको यो सरकारले काँग्रेस नेताहरुको नाम काट्ने हो भने ५ वर्षपछि काँग्रेसको सरकार बनेपछि के काँग्रेसले पनि मनमोहन अधिकारीको नाममा खुलेका संस्थाहरु काट्दै हिँड्ने भन्दै प्रतिप्रश्न गरिन् । उनले काँग्रेस नेतृत्वकोे सरकारको पालामा यस्तो चरित्र नदेखाएको र नदेखाउने चेतावनी समेत दिइन् ।
