सप्तरी । शान्ति सुरक्षाको अवस्था बुझ्नका लागि सादा पोसाकमा खटिएका प्रहरीको गस्ती टोलीले गएराति राजविराजस्थित कुनोली मोडबाट चाँदीसहित एक भारतीय नागरिकलाई पक्राउ गरेको छ ।
पक्राउ पर्नेमा भारतको मधुवनी जिल्लाको राजनगर–३ बस्ने १७ वर्षीया सुमितकुमार मेहता रहेको जिल्ला प्रहरी कार्यालयले जनाएको छ ।
प्रहरीले शङ्का लागेर मेहतालाई जाँच गर्दा पाइन्टको दाहिने र बायाँ दुवै खल्तीमा लुकाई राखेको ९० तोला चाँदीको ढिका र १० आना चाँदीको टुक्रा बरामद गरेको प्रहरी निरीक्षक सुरज खड्काले बताए ।
