काठमाडौँ। फिफा विश्वकप २०२६ को तेस्रो स्थानका लागि भएको खेलले फुटबल समर्थकलाई अविस्मरणीय रोमाञ्च दियो। पहिलो हाफमा ४-० ले पछि परेको फ्रान्सले दोस्रो हाफमा सशक्त पुनरागमन गर्दै खेललाई लगभग बराबरीसम्मको अवस्थामा पुर्‍यायो। तर निर्णायक क्षणमा इङ्गल्याण्डले आफ्नो अनुभव र संयम प्रदर्शन गर्दै ६-४ को जित निकाल्यो र विश्वकपको तेस्रो स्थान कब्जा गर्न सफल भयो।

पहिलो हाफ पूर्ण रूपमा इङ्गल्याण्डको नियन्त्रणमा रह्यो। बुकायो साकाले दुई गोल गर्दै टोलीलाई उत्कृष्ट सुरुआत दिलाए भने डेक्लान राइस र एज्री कोन्साले १-१ गोल थपेपछि फ्रान्स दबाबमा परेको थियो। इङ्गल्याण्डको तीव्र आक्रमण र प्रभावकारी फिनिसिङका अगाडि फ्रान्सको रक्षापंक्ति निरीह देखियो।

तर दोस्रो हाफमा खेलको कथा पूर्ण रूपमा फेरियो। फ्रान्सले आक्रामक रणनीति अपनाउँदै लगातार गोल फर्कायो। इङ्गल्याण्डको रक्षा दबाबमा परेपछि खेल ४-४ को बराबरीमा पुग्यो। त्यसपछि खेल कुनै पनि टोलीको पक्षमा जान सक्ने अवस्थामा पुगेको थियो। तर अन्तिम समयमा इंग्ल्यान्डले अवसरको सदुपयोग गर्दै थप दुई गोल गर्‍यो र ६-४ को ऐतिहासिक जित हात पार्‍यो।

तेस्रो स्थानको भिडन्त अहिलेसम्मकै सनसनीपूर्ण थियो । 

एम्बाप्पे चम्किए, तर टोलीलाई जिताउन सकेनन्

फ्रान्सका कप्तान किलियन एम्बाप्पे व्यक्तिगत रूपमा भने खेलका सबैभन्दा प्रभावशाली खेलाडीमध्ये एक रहे। उनले दुई गोल गर्दै फ्रान्सको पुनरागमन अभियानको नेतृत्व गरे र प्रतियोगिताभर आफ्नो गोल संख्या १० पुर्‍याउँदै फिफा विश्वकप २०२६ को गोल्डेन बुटका प्रमुख दावेदार भए । 

एम्बाप्पेको गति, आक्रमणको नेतृत्व र निर्णायक क्षणमा गोल गर्ने क्षमताले फेरि एकपटक उनको विश्वस्तरीय हैसियत पुष्टि गर्‍यो। तर फुटबल व्यक्तिगतभन्दा पनि सामूहिक खेल भएकाले उनको उत्कृष्ट प्रदर्शन टोलीलाई जित दिलाउन पर्याप्त हुन सकेन। पहिलो हाफमा गरिएको रक्षात्मक कमजोरी फ्रान्सका लागि अन्ततः महँगो सावित भयो।

यस जितसँगै इङ्गल्याण्डले विश्वकप २०२६ को तेस्रो स्थान सुरक्षित गरेको छ भने फ्रान्स चौथो स्थानमा सीमित भएको छ। यद्यपि हारका बाबजुद एम्बाप्पेले चमत्कार गरे। १० गोल गरिसकेका छन् । विश्वकपमा गोल संख्या २२ पुर्याए । यो सर्वाधिक हो । 

उनीपछि अब अर्जेन्टिनाका लियोनल मेस्सी छन् । मेस्सीले जारी विश्वकपमा ८ गोल गरिसकेका छन् । गोल्डेन बुट जित्न मेस्सीलाई फाइनलमा ह्याट्रिक जरुरी छ । 

विश्वकपमा सर्वाधिक गोलकर्ता बन्न मेस्सीलाई २ गोल जरुरी छ । मेस्सीको गोल संख्या २१ रहेको छ ।