-
-
-
-
काठमाडौँ । पानामा विश्वकप फुटबलको अघिल्लो चरण प्रवेशको सम्भावनाबाट बाहिरिएको छ । समूह चरणमा एक खेल खेल्न बाँकी छँदै पानामा विश्वकपबाट बाहिरिएको हो ।
बुधबार बिहान भएको समूह आईको दोस्रो चरणको खेलमा पानामा क्रोएसियासँग १–० ले पराजित भयो ।
खेलको ५४ औँ मिनेटमा क्रोएसियाका लागि एन्टे बुदिमिरले निर्णायक गोल गरे । उनले जोसिप स्टानिसिकको पासमा गोल गरेका थिए ।
यो जितसँगै क्रोएसियाको नकआउट चरण प्रवेश गर्ने सम्भावना बलियो रहेको छ ।
पहिलो खेलमा इङ्गल्याण्डसँग पराजित भएको क्रोएसियाको ३ अंक रहेको छ ।
बिहान भएको खेलमा इङ्गल्याण्ड र घानाले गोलरहित बराबरी खेलेसँगै इङ्गल्याण्ड र घानाको समान ४ अंक छ ।
समूह चरणको अन्तिम खेलमा क्रोएसियाले घानासँग खेल्नेछ । इङ्गल्याण्डको भिडन्त पानामासँग हुनेछ ।
