सुकुमवासी बस्न सरकारले बनाएको भवनको यो हाल [तस्बिरहरू]
हाम्रा कुरा
प्रकाशित २०८३ वैशाख २३ बुधबार
484
Shares
तस्बिर – नेपाल फोटो लाइब्रेरी ।
काठमाडौँ । बालेन सरकारले काठमाडौँ उपत्यकामा बसेका सुकुमवासीलाई हटाएर उनीहरू बस्दै आएका झुपडीदेखि पक्ध्का घरसम्म भत्कायो । अवैध रूपले संरचना बनाएर बसेको भन्दै उनीहरूलाई बिना कुनै रोकावट हटायो ।
उनीहरूलाई हटाएसँगै काठमाडौंको नागार्जुन नगरपालिका १ रहेको रानीवनमा सुकुमवासीका लागि भनेर बनाइएको सरकारी भवनप्रति सबैको चासो बढेको छ ।
तीन ओटा भवन बनाइएको उक्त क्षेत्रमा अहिले नगरपालिकाको वडा नम्बर १ कार्यालय, प्रहरी बिट, स्वास्थ्य कार्यालय, रानीवन नासीढोका खानेपानी तथा सरसफाई उपभोक्ता समितिको कार्यालय रहेका छन् ।
एउटा भवनमा चाहिँ मानव सेवा आश्रमले ५४ जना वृद्धवृद्धाहरूलाई राखेको छ।
भवन कुनै खण्डखर भएको छ भने कुनै ठाउँमा परेवाले गुँड लगाएर बस्ने गरेको पाइएको छ। भवन प्रयोगमा नआउँदा झारपात पलाएर फोहर भएको छ।
सरकारले सुकुमवासी बस्ती त भत्कायो तर भएको भवनलाई स्याहार सम्हार गर्न जानेन ।
